CLOSE


SALLI ZÄMME!

Scroll


FRISCH USS EM LABOOR

GIFTSPRITZI

2 days 8 hours ago

Ha mit befrindete Bängg hyt e tolls Matinee in dr Reha Rheinfelden gnosse - e Häärzensaagläägeheit! 💚

GIFTSPRITZI

5 days 9 hours ago

🚨No 25 Dääg - es blubberet im Väärs-Laboor 🧪
📸 Patrick Blaetti Blatter

GIFTSPRITZI

1 week 2 days ago

E wunderbaar, pfyffige Staart ins 2023!😂🙌🏻
Häärzligge Dangg Prattele fir die tolli Gaschtfrindschaft! S Larifari isch 🔥🔥🔥 gsyy!
Saggladärne 💚



HUU THE FAGG IS SPRITZI?


Är het dr glyych Coiffeur wie dr Alice Cooper und dr Boris Johnson …
Är wird wäg siiner markante Naase oft mit dr Steffi Graf verwäggsled …
Und är isch e Mischig zwische Albert Einstein und Arnold Schwarzenegger (fir Armi!)
Si Humor: stächend, toxisch, giftig, spritzig …
Siini Merggmool: grien, grien und …. äh, was isch das scho wieder gsyy? Ah, jo: grien!

Verhasst vo allne Schwiigermieter fir iiber 1’000 Schwiigermieter-Väärs …
Verdammt vo dr Frau Fasnacht, will är uss däm Dyyfelsgrais nimm uusekunnt …
Und vergötteret vo siim Dampfkochtopf, wo ihm jeedes Mool vo neyem noochepfyfft …

⚠️ ACHTUNG: JETZT WIRD’S GIFTIG!

Wär isch dä üsserscht charmanti, lyycht korpulänti Bänggelsänger,
wo d Fasnachtswält im Joor 2016 crasht het?

D Giftspritzi isch e Schnitzelbangg, wo bi dr BSG
(Basler Schnitzelbangg Gsellschaft) aagschlosse isch.

Als Ainzelmasgge philosophiert dä verwirrti Chemiker iiber Theeme,
wo d Lyt beweggt und versuecht in siim Laboor
s aint oder ander Gift z mische – zem mit dr Noodle uff die z zyyle,
wo duur’s Joor Saich gmacht hänn.

Dr Namme Giftspritzi sett uff kai Fall negativ gwäärtet wärde.
S Motto isch allewyyl: “Es wird Gift in d Väärs bumpt,
ass d Pointe richtig spritzig sind!”.



IMPRESSIOONE




IM-BRÄSS-IOONE




LÄÄÄÄSE!




Welli Väärs döörfes syy? Wäähl doo dr Joorgang uss:

5

Fasnacht

2

Kai Fasnacht aber ainewääg

139

Väärs

471

Uffdritt


Apropos:
Bis zem näggschte Moorgestraich goohts no 19 Dääg, 6 Stunde und 36 Minute.



SCHRYYB MER

Jetzt hesch Du au emool d’Chance Gift z spritze… uff was wartisch? Ych frai mi uff Diini Noochricht!