FRISCH USS EM LABOOR

Är het dr glyych Coiffeur wie dr Donald Trump …
Är wird in Kennergrais wäg sym göttligg und lutte Orgaan au als „die goldene Stimme aus Sarg“ bezaichnet …
Und är isch e Mischig zwische Albert Einstein und Arnold Schwarzenegger (fir Armi!)
Si Humor: stächend, toxisch, giftig, spritzig …
Siini Merggmool: grien, grien … und ab und zue e bitz z langi Väärszyyle.
Verhasst vo allne Besserwisser wäg “em fählende Väärsmass“ …
Verdammt vo dr Frau Fasnacht, will är uss däm Deifelsgrais nimm uusekunnt …
Und vergötteret vo siim Dampfkochtopf, wo ihm jeedes Mool vo neyem noochepfyfft …
Wär isch dä üsserscht charmanti, lyycht korpulänti Bänggelsänger,
wo d Fasnachtswält im Joor 2016 crasht het?
D Giftspritzi isch e Schnitzelbangg, wo bi dr BSG
(Basler Schnitzelbangg Gsellschaft) aagschlosse isch.
Als Ainzelmasgge philosophiert dä verwirrti Chemiker iiber Theeme,
wo d Lyt beweggt und versuecht in siim Laboor
s aint oder ander Gift z mische – zem mit dr Noodle uff DIE z zyyle,
wo duur s Joor Saich gmacht hänn.
Dr Namme Giftspritzi soll uff kai Fall negativ gwäärtet wärde.
S Motto isch allewyyl: “Es wird Gift in d Väärs bumpt,
ass d Pointe richtig spritzig sind!”.
Uffdritt an div. Vorfasnachts-veraastaltige usserhalb vo Basel. Näbscht Lörrach, Kriegsstette und Ennetbade dis Joor au in Prattele (Larifari) und Fränggedoorf (HC-Plausch). Zämmeaarbet mit BLICK-TV bzgl. em Projäggt "Fasnachts-Challenge".
Grossi Ehr: d Giftspritzi daarf aini vo dääne beliebte Königskueche-Figuure vo dr Bäckerei Kübler syy. S git noo zwai Joor Pause wieder e relativ normaali Baizefasnacht. Dr Fasnachtszeedel isch e "Zeedelifikaat" - e Aahläähnig an s Covid-Zertifikaat.
D Fasnacht wird noonemool e Joor wäg dr Covid-19-Pandemie abgsait. D Väärs wäärde trotz allem in drey Dail uffgnoo und während de drey Dääg, wo Fasnacht wäär, online gstellt.
D Giftspritzi fiirt 5 Joor und d BSG 100 Joor. Zem vierte Mool an dr Vorfasnachts-Veraaschtaltig "Ridicule" derbyy. D Fasnacht wird wäg dr Covid-19 Pandemie kurzfrischtig abgsait.
Zämmerarbet mit em Radio SRF 3: Väärs fir d Moorgeshow, wo während dr Fasnacht ussgstrahlt woorde sinn. D Giftspritzi wird vom Telebasel-Publikum zu aim vo de Lieblingsbängg 2019 gwäählt. Ehrig in dr Fasnachts-Stuube mit eme aigene Shot.
Dr Fasnachtszeedel kunnt im QR-Buessezeedel-Layout derhäär. Dr Väärs zem Moorekopf gooht viraal und dr eerschti internationaali Uffdritt in Lörrach in dr Gschicht. Start vo dr aigete, intäärne Stuubede "Giftmischerli".
Première als fixe Vorfasnachtsbangg im "Ridicule" im Förnbacher Theater und d Gebuurt vom „Väärs-Laboor“: aggduelli Väärs wäärde unterem Joor uff de Social Media-Kanääl veröffentliggt.
Dr allererschti Uffdritt im alterwürdige Marionette-Theater am "Källerstraich" und die erschti Fasnacht fir d Giftspritzi.
Welli Väärs daarfs syy? Wäähl doo dr Joorgang uss:
Dr Fridolin, mi Bueb – ych froog mi wieso? Findsch s Klima doof, hoggsch uff e Boode Me sait ney “Tourischtinne“ näbscht de „Tourischte“ S neye Waldeburger-Bäähnli Mir Schwyzer – daarf me gratuliere? Ych stryych das uss mym Herbstmäss-Blaan: Am Schwingfescht z Prattele – bin ych verschrogge Z Nacht im Bett, am halber zwai Dr Tamara Funiciello (si het scho gschloofe gha) Mi glai Dochter froggt am Kuchidisch Voor dr Wiehnacht froggt mi liebschte Stäärn: Dä Väärs isch gsponseret vo dr IWB: Dä Väärs isch gsponseret vom Tiefbauamt Liebe Alain: iiber de Wolgge isch s gränzeloos2023
Duet däägligg in die Langi Erle goo
Drifft är e Schätzli? Ych bin em noochegloffe
Und han en am Gaissegheeg aadroffe
Är liist deert d Bölle uff – wäh, das saag ych iihne!
Und verkauft se als Kapsle fir die ney Migros-Kaffimaschiine
Und gläbsch Di fescht mit Diine … Händ
Au ych lyym mi uff d Freye Strooss
Mach kai Wangg, blyyb reegigsloos
Doo froggt e Bäärner: «Exgüsee
Sit Dir ä Spiiler vom EffCeeBee?»
Und „Garagischtinne“ näbscht de „Garagischte“
Näbscht em „Fään“ gits d „Fäänin“ – das macht Sinn
Näbscht „Fluugzyygdrääger“ – „Fluugzyygdräägerin“
Numme mi Raase-Robotter kha kai „Robotterin“ syy:
Dä parkiert yywandfrey in sy Garage yy!
Het Staartbrobleem, mir kömme d Dräänli
Unzueverlässig bis an Bach
S boggt und spinnt, isch laischtigsschwach
Dä Zug erhitzt e huffe Gmieter
Uff Dytsch: e typische Baselbieter!
Sinn Europamaischter im Koks konsumiere
Au vyyli Basler – das macht mer Mieh
Dien oft und gäärn e Linie zieh
Drum lueg y, was ych dehaim servier bime Bsiechli
Suscht snifft mer no ain dr Puuder vo de Fasnachtskiechli!
Und gang nie meh uff e Gaischterbaahn!
Zerscht diens Di in e roschtigs Wäägeli stegge
Ass Di komischi Wääse dien verschregge
Und fir dr greeschti Schogg, de khaschs kuum fasse:
Zaige sy dir no d Prämie vo dr Granggekasse!
Sehn y dr -minu blutt in dr Mängi hogge
Mit em Fäldstächer zoom y neecher draa
Ussert Schnauz und Huet het är nyt aa!
Vermuetligg het är gmaint, dä Zaarti
Do lauft e wieschti Swingerpaarty
Sticht e Tigermugge in mi Bai
Die, won e Grangget yyberdraage kha
Han ych jetzt äggscht Malaria?
Und noon’em Verwache, grad diräggt
Redi plötzzli Tsüri-Dialäkt!
Lyttet zoobe e Maa uff ihr Handy aa
Si nimmt ab und sait ihm Wörter, ass es gracht
«Du Luschtmolch, was stalksch mi in dr Nacht?»
Doo sait dää: «Guete Aabig, wer isch draa?
Hier Benissimo – welli Chugle wänn si haa?»
Wie d Queen äggscht von ys gange isch?
Ych saag ere, scho fascht gediige:
Si syg elegant vom Thröönli gstiige
«Und dr ney King, wie wird dä uns verloo?»
He dr Charlie… dä flatteret dängg denn drvoo!
«Was fir e Gschänggli hättsch Du gäärn?»
Verliebt nimm ych grad iihri Hand
Lueg dief in d Auge, saag charmant:
«S greescht Gschängg han ych scho, dasch doch glaar:
… s WM-Out vo de Schwoobe in Katar!»
(ganz schnäll gsunge:)
Drum muess en schnäller vo mir gee
Är bruucht verdeggel e huffe Saft
Fir d Pointe han y nimm vyyl Graft
Dr Stroom wird gspaart – ych glaub das wäärs
Sali zämme, dr näggschti Vääää…
Doch au dä isch grad e Baustell, verdammt!
Vo de Azahl Wörter häär stimmt nooni vyyl in däm super luschtige, tolle, interessante und glatte Schnitzelbangg-Väärs
Und är versuecht zwoor wenigschtens e bitzli z ryyme
Drfir isch d Pointe dr Hammer, gottsaidangg
Numme isch die umglaitet, die singt momentaan grad en andere Bangg!
Numme hesch halt bitz Päch ghaa bim Franzoos
Y kha verstoo, Du hesch e grosse Fruscht
Aber bhalt Di Fraid an dr Reiseluscht
Muesch e Tipp fir dr näggschti Ussflug ha?
Flieg mit-me wysse Balloon iiber d USA!
Error, Error – Tescht 1-2-3 E Juchzer – trotz Absaag vom Joodlerfescht Dr Prinz Andrew: vo Huus uss nit ganz bache … Sii, das Bäärnbiet macht en no närvööser: Sii, ych bi enttüscht und find das schlächt E Hygienemasgge Typ 2 und resischtänt LGBT*Q Lueg, wie dä Odermatt ooben aabe gracht „Nei, ych will nit uss em Bettli goo Noon em FCB het dr Federer e Dram bykhoo S verwitscht mi d Frau – es isch e Quaal Mer hänn d Franzoose an dr EM butzt2022
Syschteem git nid dr Zuegang frey
Fäähler – noo fimf Sekunde waarte
Wird aabegfaahre – pLeAse NeYstAaRtE
Amigs duet – diend Eych nid hintersinne
Dr g‘impfti Mikrochip e bitzli spinne!
Gib ych uff em Spaalebäärg zem Bescht
Glyy git’s e Grais vo Lyt deert oobe
Si klatsche, juuble – fir mi Uffdritt z’loobe
Me kha aber das Ganze au falsch verstoo:
Y ha numme e Poller zwische d‘Bai bykhoo!
Will nümmi z’Verbier Ferie mache
Drfir het är sich – im Ghaime soo
Als Ersatz e Hütte im Bäärnbiet gnoo
Und erhofft drmit, es dääti gyyge:
Die glai Scheidegg go bsueche und d Jungfrau z’bestyyge!
Jetzt will är au no uff Saanemööser!
Hänn z Basel d Affe kai Menscherächt
Zwoor het e Primaat, das han ych glääse
Dr glyych IQ wien e Stroossebääse
Das längt doch längschtens, duen ych bedängge
Zem dr FCB z bsitze oder Tryychle z schwängge!
Drzue e FFP-3, do bin y konsequänt
Nitril-Händschli – blau und puuderfrey
E Schutzazuug und Desinfeggtioon als Spray
Au üüber d‘Schutzbrille bin y froo
So… jetzt khan y beruhigt uff Ziiri goo!
ASF-HIU
ICN+BOK
DQ#RNA
Ych bi bim Väärs-Schryybe – s isch e Katastrophe:
Voll mit em Grind uff dr Taschtatuur yygschloofe!
Und elegant drbyy no Böögli macht
Ouw: yyghänggt – nei, är isch no doo!
Suuber het dä d Kante gnoo!
Also dä Odermatt isch sauguet zwääg
… ych main dr Karli uff em Haimewääg!
Y ha kai Luscht – blyyb lieber doo
Alli sinn blööd, gemain und fyys
Kain spiilt mit mir – dasch zimmlig myys“
Mach jetzt kai Gschyss – s wird sicher witzig;
Legg d Grawatte aa, Ueli – gang an d Bundesrootsitzig!
Wytteri Basler folge, han ych vernoo:
Stygsch ins Odermatt-Drämmli, wärsch lieber gloffe
Das schyttlet so stargg, ass de mainsch sygsch bsoffe
Und au dr –minu griegt ains – do frai mi druff
Deert stygt me schyyns numme vo hinde uff!
In dr Wääbergass im ne Striplokaal
Si schreyt mi aa, s git Ranzeschnitte
Lägg, was het au die äggscht g‘ritte?
Ych ha doch numme in däm Fuudischuppe
Welle e Konto eröffne bi dr Raiffyyse-Gruppe!
Und iihre Goggel killt, nid numme gschtutzt!
Dangg däm Siig, das isch jo klaar
Schloof ych sythäär wunderbaar
Ych ha d Fäädere vo däm doote Fyych, persee
Jetzt in mym Duvet vo dr…
Fischer Bettwaarefabrik Au-Wädenswil am Zürisee
Syt Daage (me heert‘s im ganze Blogg) Mi Frind, dr Ützgür, isch unserer Sprooch nit allzu mächtig Noochdraag: Sali Halbschueh, Tschau Halloodri, Griezi Dottel Bi „The Masked Singer“ dien Prominänti verklaidet singe Am ene Samschtigmoorge han y grausaam Gligg D‘Adela Smajic – ex-Bachelorette und Wätterfee D‘Schwoobe sinn nimm so in Flaisch-Manie 125 Joor BVB – dasch jo ganz verreggt Anderi Länder, anderi Sitte – gnauer in Kyyna Y ha grad noone Mail bykhoo2021
Quietschts und stööhnts bi mir im oobere Stogg
Y kha nümm rächt schloofe und find‘s dernääbe
Die mien e Ussduur haa im Liebeslääbe
Y spann duur s’Schlysselloch und mergg: do wird nur triggst
S‘isch e Rekrut, wo im Home-Office d‘Stiifel wiggst!
Drfir benutzt är Kraftussdrügg gezielt und intelligänt ganz brächtig
Bi de letschte Wahle do z‘Basel, isch ihm ain bassiert
Är het – statt Nämme – siini Mainig, uff dr Wahlzettel notiert
Mit „Ey Mann, Arschgsicht!“ het är zwoor dr gueti Doon verfäählt
Aber soo ussversehe d’Steffi Eymann und dr Eric Wääber gwäählt
Ruggwirggend het dr Ützgür reagiert
Und voorsorggligg sy Briefkaschte demontiert!
Salutti Galööri, Guete Daag Laggaff, Bonjour Du Trottel
Sali Lumpeseggel, Hoi Fotzelkaib, Salve Joggekopf
Tschau Wääglidramper, Hey Tschumpel, Sali arme Dropf
Saletti Waichai, Welcome Du alte Hänker
Esoo duuzt mi syt neyschtem mi Credit-Suisse Bänker
Jetzt wänn‘s e Basler-Versioon im Telebasel bringe:
Dr Burgener kunnt als Plaitegaier, dr Federer als Voogel – nadyyrlig als Star
Als Marzipansäuli dr -minu – dr Thüring als Haas, das isch klaar
Als Pinocchio verklaidet looht’s d’Frau Arslan lo krache
Denn kunnt no d‘Ackermaa mit Gitarre und singt „Gute Nacht Freunde“ als Drache
Und find im Broggehuus e bsundriggs Stigg
An dr Kasse duen‘ych so richtig straahle
Do sait mer d‘Verkäufere, won‘ych s mecht zaahle:
«Toll, ass Sii sich drfir interessiere
… Aber dasch doch s‘Fläschli zem d‘Händ desinfiziere!»
Hesch in däm Promi Big-Brother könne gsee
Me het si in e Ruum mit-e baar Schwoobe doo
Als Schwiizer stichsch denn halt uuse – punggto Niveau
Die kha frooh syy, isch die deert inne gstrandet
Und wäg ihrem ganze Plastigg im Körper nit in ere PET-Sammlig glandet!
Die hänn e Buff deert in dr Induschtrie
Versyycht‘s Flaisch und z‘billigi Arbetskraft
Und egal ebb me grangg isch, hauptsach me schafft
Mir Bebbi sinn verdraut mit dääre Phaase:
Doo seggle die fuule Würscht scho länger iiber dr Joggeli-Raase!
Y ha do zwische mir und dääne Parallele entdeggt
Zem Bischbyyl sinn mir baidi grien – isch das nit geil?
Und au ych fahr oft uuse, zem go Boschte noo Weil
Doch s’gääb e Unterschiid, maint mi Frau, und dä miech mer Mieh;
Denn im Gäägesatz zem Dramm – kääm ych immer z‘frieh!
Stegge’s dr zem Teschte, e Stääbli in‘s Fuudi yyna
Y dängg, ych däät‘s unagnäähm empfinde
Wenn‘s dr so ummeguusle dien deert hinde
Ab sofoort, do khasch‘s bi mir vergässe:
Wird y bim Mister Wong nie meh mit Stääbli ässe!
Tschüssikovsky, y muess jetzt goo
Si hänn mi buecht, die uss em Kreemel
Als Lohn stelle sy mi z’Moskau uff e Scheemel
Die wänn drum hyt no, ohni Zyt z‘verliere
Em Nawalny d‘Giftspritzi präsentiere
Will me jo nit waiss, wie lang’s d’ART no git S’isch Summer und im Drämmli sinn alli am schwitze Gedicht von Johann Stuhlgang von Flöte: “der Pilot-Idiot” D‘Lieschtler hänn Fäkalie im Dringgwasser gha … Jo, s‘bruucht Muet und ych ha e Schaade Vo dr Greta heersch Gschichte – guet und schlächt Dr Federer zaahlt nit numme e Lappe D‘Merkel zitteret, zitteret, zitteret… Hytzedaags koschte d’Fuessballer Millioone Z‘Nacht am Ains – ych bi verschrogge D‘Greta stooht voor de Lyt bim WEF2020
Bin y deert aahne und nimm miini Glai grad mit
Zmitzt im Kueche – ych fiehr grad e Schwatz
Erbricht mi Spatz diräggt in sy Latz
Und wonen will go wäsche fir mis glaine Schätzli
Bietet ain 30‘000 Stutz fir‘s verkotzte Lätzli
Do sait die alti Frau Müller, wo näb’ ihrem Maa duet sitze:
„Die BVB muess y loobe, die wird wieder toller
Die bietet de Fahrgescht e glaine Deoroller“
„Legg d‘Brille aa“ maint ihre Alt und zaigt uff ain wo stooht:
„Dä Deoroller haisst Dürr und isch Regierigsroot!“
Wer fliegt durch Tag, macht Lärm und Gschyss?
Es sind die Trottel der Patrouille Suisse
Die verflogen sich und haben’s eilig
Weil sie müssen zurück in die Demenzabteilig
… Dä Schyssdrägg goht ys gaar nyt aa!
Fuudiblutt im See z‘Hallwyyl go baade
Doo beriehrt doch bletzligg, das isch dr Gipfel
Iirgendebbis kaibs mi Zipfel
Zytglyych juubled ain ganz unverdrosse:
„Ych ha ändligg dä grien Kaiman gschosse!“
Ych find, die Öko-Pippi Langstrumpf het irgendwie rächt!
Bi mir dehaime duet‘s scho funggtioniere
Will y mi Stroomverbruuch kha reduziere
Ych schalt drum immer, kurz und knapp
Sobald y d‘Greta gsee mi Färnsee ab!
In e Schwiizer-Firma fir Laufsport-Schlappe
Dä Määrt duet ihn rächt imponiere
Drum will äär deert au inveschtiere
Und sott är an Halbschieh au Interässe haa
Wäär dr Wessels ab näggscht Joor gratis z’haa
… und zitteret, zitteret, zitteret…
Was isch au numme mit dr Angi los?
Sy hoggt im Bombardier-Schüttelzug uff Davos!
Und me froggt sich, ebb sich das duet loohne?
Au die ganze Transfeer khan y nit verstoo
Stell dr voor, s’wäär in unserem Läbe au esoo:
z.B. verlängeret d’Fr. Sarasin noon e Joor mit iihrem Alte
Und d’Fr. Meyer will dr ussgleehnti Syttesprung bhalte
Dr Hr. Huubesak isch uff em Määrt beliebt bi vyyle
Är kha drum ohni Fäähler, mit zwai Bäll, glyychzyttig spiile
Nit beliebt drfiir isch dr Hr. Vögeli im Bett
Dä verschiesst si Penalty – bevoor s’Spiel agfange het
Und dr Hr. Mangold isch ableesefrey, syt letschter Nacht
Dä het e Handspiel im falsche Stroofruum gmacht
Numme als Sportchef hesch‘s nid aifach, daas isch fir dr Hr. Streller verzwiggt
Doo wirdsch heggschtens vo dr Chefetaage gf…orderet
Duet en Yybrächer näb‘ mim Bettli hogge
„Please help me Sir“, heer ych ihn huuche
Är haig alles gnoo, was är wuurd bruuche
Numme fändi är und das syg „shit“
Als Ängländer wieder emool dr Ussdritt nit
Verzieht d’Schnuure, luegt uff s’Blatt und maint ganz breff:
„Drey Liter Milch, zwai Tuube Zahnpaschta, 450g Gniocchi
E Pfund Køttbullar, säggs Aier, e Daafele Schoggi
E Päggli Wasa fir s’Smørrebrød … ou verreggt
Jetzt het mer mi Babbi dr falschi Zeedel gsteggt!“
Letscht Friehlig – y ha gmaint, ych spinn E Pfanne „Typ WOK“ fir uff e Grind, als Schutz Hirnerschütterig, e verboogene Zingge Z’Russland in ere WM-Nacht D’Schwoobe hänn welle Wältmaischter wäärde 20 Joor Viagra – au ych mecht no gratuliere Zem Schluss mache d’Schwoobe no so gschnäll Kirzlig han’y, will’s mit Tamedia besser lauft Am BLACK FRIDAY, bim Stammdisch, mit Bier und Wyy Mit dr Basler Delegatioon bin ych go s’Säggsilytte bsueche Deert ääne am Bärgli styygt e Räuber in’s Huus Dr Karli Lagerfäld reedet im Himmel mit Gott2019
Hogge im Zug fascht nur Kardinääl und Pfaffe dinn
Die hänn verzellt, si kääme vo nooch und färn
Und pilgere mit Glaubensgnosse bis uff Bärn
Es syg halt scho e bitzeli d’Luscht wo se alli wuurd styyre
Wenn e huffe „Young Boys“ e grossi Party fyyre
Wäg em Bodycheck e Bruschtpanzer fir hundert Stutz
En Aierschutz uss Stahl – wichtig: zimmligg digg!
E Zahnschutz-Set fir e Roundhouse-Kick
Denn no Medis, Salbi und Pflaschter – e Huffe
So… jetzt gang y in Ussgang ain go suffe!
S’Ässe e baar Dääg nur als Dringge
Säggs Rippe quätscht, vier Blombe duss
Do unde isch mi Glai au nimm im Schuss
Vom Ussgang kumm y hai – dodaal verletzt
S’het mi mit-me Elektro-Trotti uff d’Schnuure gschlezzt
Het dr Xhaka doo das Zaiche gmacht
Ych ha mi gfroggt: was zaigt dä in d’Kamera?
Doo bletzligg han’ych d’Antwoort gha:
Dä griesst numme si Frau, wo isch dehaime bliibe:
“Y bring dr Always Ultra mit Flügel – doo sinn’s grad aabegschriibe“
D’Schwoobe hänn welle Wältmaischter wäärde
D’Schwoobe hänn welle Wältmaischter wäärde
Schyyns s’beschte Team uff dääre Äärde?!
D’Schwoobe hänn welle Wältmaischter wäärde
… Uff was wartet ihr? Das isch scho d’Pointe!
Ändligg e Grund, emool aini ussz’probiere
Y ha die blau Pille mit eme Schlugg Schämpis gnoo
E Momäntli speeter – he, jetzt lueg au doo!
Het’s fir s’Jubiläum exaggt, nach dryssig Minute zää
Au vo mir no Standing Ovation gää!
Uss däm Hutzelwyybli Merkel – Germanys näggscht Topmodäll
Si drait jetzt Designer-Hooseaazyyg vom Joop und Dior
Anstatt die Ossi Deux-Pieces uss de 60er Joor
Und eleganti Schueh mit Absatz, wo se greesser mache
Anstatt die alte DDR-Schlappe, die flache
Und syydigi Foulards in lila oder gääl
Statt die verblaichte, karierte Polyeschter-Schääl
Und e Push-Up-BH sell ab sofort iihri Ooberwytti lo wirgge
Anstatt die Feinripp-Lotzi-Wösch uss em Erzgebirge
So, jetzt basst fascht alles – die ney Gaarderoobe und dr bresänti Buuse
… Numme dr Kopf luegt halt immer no oobe’n uuse!
Wieder emool e Basler Zyttig fir drey Stutz kauft
Nach em Fyyroobe han’y denn solidaarisch dänggt
Und se amene Clochard am untere Rhywääg gschänggt
No segglet dä mir nooch, y ha gmaint, dä will sich bedangge:
„Was, Du liisisch d’BaZ? Du arme Siech! Lueg, do hesch drey Frangge!“
Frog ych in d’Rundi, was das fir e Hype sell syy
Do maint dr Charlie: “Dä Friday macht jeede froo,
Do git’s zwai fir ains – drum wird jetzt no aine gnoo!”
D’Bestätigung grieg y speeter vo miinere Frau dehai:
Fir mi Vollsuff git’s drey Gläbber – an Stell vo zwai!
Do heer y bletzligg e Stimm zwängele und flueche
Y ha denn gsee, wien e baar Zunft-Brieder, trotz däm Klaage
Ebbis im Stächschritt zer Schytterbyygi draage
„Jetzt leend mi sofoort aabe“ schreyt das Wääse
„Ych bi d’Stadtpresidäntin Ackermaa und nit am Böögg sii Bääse!“
D’Schugger wänn en fange, doch dr Tesla het kai Pfuus …
Und sait: moodisch gseh isch’s doo oobe Schrott!
Kai Style, kai Glamour – lueg dä verrumpflet Ängel deert
Wie dä usseht und sich klaidet, dasch doch unerheert!
Do sait dr lieb Gott: ych kha Di verstoo
Aber dasch d’Uriella – die isch immer esoo!
Ych bi yyglaade woorde vo dr Basler Regierig
Fir en Apéro im Zolli – und aaschliessend ere Fiehrig
Denn hänns do verzellt vome sälte, komisch Lääbewääse
Und y has agluegt und gsait: also, dasch wirgglig ains vo de jääse
Si hänn mi denn aber beleehrt, ych gnaag hit no draa
Gmaint sig daas deert im Aquarium – und nit d Frau Ackermaa!
Dr Polo Hofer glopft an s‘Himmelsdoor
Do kunnt dr Petrus und liist ihm d‘Reegle voor:
Vo mir uss darfsch die ganz Zyt singe
All Stund uff dr Haarfe e Ständeli bringe
Numme ai Bitt, sunscht hänn mer dr Drägg
Inhalier mer do oobe kai Wulgge ewägg!
Im Grund gnoo dängg ych, jo s’wär glatt
Fänd das Schwingfescht in däm Prattele statt
Drey Dääg schwinge, Hooselupfe,
Glogge schwängge, Tabagg schnupfe
Und näb’ dr Muusig vom Sepp Trütsch
Schwätzt me denn z’Prattele wieder emoll Schwyzerdütsch!
Doo isch e Klaagebrief yygange an d’Firma Apple
Und zwoor vom Donald Trump, däm Deppl:
On the toilet han ych bletzligg e Seppi grisse
And ussversehe my „iPhone X“ in the Himmel gschmisse
Uff dr Heechi vom Fuudi het sich das uff s‘Display g‘keert
Und will‘s gmaint het, es sig mi Gsicht, denn vo ellai entsperrt!
Lieve Nederlands – niet de Köpfchje lo lampen
Wenn ihr niet kan bjie de WM op de Voetball drampen
Ook Speler wie Robben en Wesley Snejider
Zieht et diese Zommer in de Oldersheijm weijder
Aver alles easy, en roijk en Guuge, ihr müsst de Vordeijl seen:
Weijl ihr habt de ganze Campingplatz dann endlich voor euch alleen!
Am Stammdisch han ych letschti e bitz z’vyyl tanggt
Und bi denn geege Moorge haime gschwanggt
Deert wartet mi Drache mit em Suppedopf
Und macht mer e Büüle – diräggt uff mi Kopf
Sithäär blufft im Kindergaarte miini Glai;
Das Einhorn gääb’s wirgglig – si haig ains dehai!
An de Australian Open hesch‘s wieder gsee
Dr Federer gwinnt aimoll mee
Drotz sym Alter und das macht ihn frooh
Kha fascht kaine me dr Roger schloo
Halt – doo wuurd‘s heggschtens aine gää:
Ihr kennet ihn alli: dr Constantin!
Neij entwigglet e Ländler unseri Stadt
Hurra, jetzt wird’s so richtig glatt:
„Uus em Theater git’s bald ä Buurähoof
Dr Barfi wird zer Wäid für Chiä und Schoof“
Die letschti Hoffnig duen ych trotzdäm bhalte:
Är kha d’Fassaade vo dr Ackermaa scheener gstalte!
Ebb Afroschmutz oder Moorekopf
Coco-Jambo oder schwarze Schopf
Ebb exdreem pigmentierte Zuggerschuum
E Kalooriebombe uss em affrikanisch Ruum
Däm khasch saage wie d’willsch, de merggsch es glyy
Am Schluss wirdsch immer dr Neeger syy!
Bi Samsung-Gräät kha’s guet bassiere
Ass‘ die Siechen explodiere
Drum khasch si jetzt ganz exklusiv
Zrugg gää – will s’isch explosiv
Drotz allem han ych sinnvoll dänggt
Und ains dr Schwiigermueter gschänggt!
Schalt ych dr Färnsee yy, lauft dr vo Wattewyyl
Schalt ych s Radio aa, schnuurt dr vo Wattewyyl
Gang ych ins Häbse, denn spiilt dr vo Wattewyyl
Dä wird mir langsam zvyyl – dä vo Wattewyyl
Jetzt han ych jedes Moll Schiss, jä y glaub, y spinn
Wenn y dr Yyskaschten uffmach…
…es hoggi dr Wattewyyl dinn!
Letscht Summer, an däären EM z Paris
Gits gwissi Sequänze vom Löw – und die sinn myys!
Zerscht längt er sich an s’Ai, an s’Lingge
Und fiehrt die Hand denn poschtwändend an Zingge
Bim Abklatschen am Schluss, han ych uff ai Moll – persee
Dä Schieler verstande, wo si Hand nit will geeh!
Die neie Stiehl uff de Stroosse find ych glatt
Sithäär gang ych gäärn in d Innerstadt
Mi Zwätschge brobiert vyyli Glaider und Schueh
Ych hogg voruss – mitme Bier – und gniess mi Rueh
S’Ainizig wo steert – ych muess voller Quaale
Uffstoo und iire das Zyyg go zaahle!
D’ Super League, die isch doch quatsch
Wirgglig Toodlangwiilig – jeede Match
Anstatt 90 Minutte z fääne
Duet me 90 Minutte gääne
Uff dr andere Sytte, dängg ych mir immer:
E halb Stund Telebasel – das wär vyyl schlimmer!
Dr Mike Shiva; y glaub, vyyl sinn do gaar nit muff
Heert mit sim Hokuspokus uff
Jetzt het dä Bonsai-Indiaaner e neiji Idee
Und mecht bim SRF, dä Samschtigs-Jass iibernee
Mit Kaarte haig är jo Erfaarig, maint dr Shiva stuur
Und frai sich uff e Schieber – mit em Schuuflebuur!
Bi däm Pokemon-Spiil settsch jo Monschter sueche
Aber y find irgendwie kaini und bi nur am flueche
Ych bi denn in dr ganze Stadt ummegrennt
Numme mi Handy het aifach kai Monschter erkennt
Stunde speeter han y vo däänen aber Dausigi droffe
Jä… ych Duubel bi bis uff Ziiri gloffe!
Y ha dr no welle gratuliere, liebi Martina
Fir die silbrigi Medallie an dr Olympia
Jetzt khasch di ändligg wieder mit de Grosse mässe
Das mit em Kokain – hänn mir längschtens vergässe
Aber ebbis stelli fescht und druff bestohn’y
Richtig schnuure khasch halt immer noni!
Ebb dr Trump duet polarisiere
Duet mi iiberhaupt nit interessiere
Vo siiner Politigg han ych kai Aahnig
Au vo sim Uffdritt nit und vo siiner Plaanig
S isch mer egal, ebb äär e bitz anderscht dänggt
Aber si Gwaffeer – dä gheert sofort ghänggt!
Stohsch Du uff ganz haissi Sache?
Und duesch au gärn dräggigs mache?
Spitze Di Sauereyen aa?
Dryybschs gäärn vor dr Kamera?
Uff was wartisch, fyyl di frei
Bewirb Di bi dr Basler Bolizey!
Mi Doggter haisst jetzt Morin Guy
Das mit em regieren isch verbyy
Drum duet äär wieder Kliänte stille
Mit Drepfli, Wässerli – aber joo kai Pille
Also: verlehrnt het dää jo si Aarbet nit
… will’s im Roothuus rächt vyyl Granggi git!
Mi Groossbabbe hänn’s letschti in dr PUK iigschlosse
Dä het so richtig dr Voogel abgschosse!
Daagelang isch dä in dr Wältgschicht ummegirrt
Und gfunde worden isch är z Davoos – vellig verwirrt
Derbyy het dä Armi numme dä Wääg absolviert
Will är e Poschtstell suecht – wo no exischtiert!
Letschti kumm ych friehner hei
do liggt mi Frau – im Bett … ellai
D Hoor verstrubblet, im Evaglaid,
“Bisch scho doo?” het si zue mer gsait
Wo isch är, han ych welle wisse,
Und ha dr Glaiderschrangg uffgrisse
Dert griesst mi dr Pöschtler, jetzt muesch loose,
Splitternaggt – also oohni Hoose
Lägg, bin ych froh, das wäär e Quaal
Y ha gmaint, dä Wattewyyl syg iiberaall!
D Frau Clinton will ins Wysse Huus
Ihre Alte wird gsait ha: «Du kunnsch druss
Bim Näärve bisch erschreggend guet
s Dummschnuure hesch jo au im Bluet
Und s wichtigscht, jo, s liggt uff dr Hand
Vergiss die Idee mit em Praktikant !»
… Dr Billy het Angscht, s wird sini Alti e Lueder
Es haig drum glaub d Lewinsky e Brueder
Nur Saich im Kopf hänn die Männli doo
Und bim schnuure kha se au kain verschtoh
Die Minions han y letschti im Färnseh gsee
Ab dääne Monschter hett’s mer fascht ain gee
Doo lueg ych genauer uff das glaine Gschwür
Ou – Tschuldigung Herr Baschi Dürr !
Händ ihrs neie Gsicht vom Cordalis gsee ?
Do dänggt me nur: Akropolis Adee …
Also ych bi verschrogge ab däm Maa
Y ha zerscht gmaint – är haig e Unfall gha
Mit däm Gäld wo är sich het umbaut und entfettet
Hätt dä si Griecheland scho längschtens grettet !
… Loosed uff e Cordalis, dasch e Tolle
Liebi Grieche: Costa was es wolle
Wo dr Wessels uffwacht noch dr Operatioon
Verlangt är zerscht e Doggter fir d Situatioon
«Herr Dokter chöntet Sii mir sege,
Ob ich mi bald chan schmeerzefrei bewege»
Ihri Glängg sind guet, si kenne wieder lache
Aber geege Dialäggt mien mer dringend no ebbis mache !
Dr FC Züri, dä isch fir dr Abstiig berait
Ohje, wie dien mir au die Aarme laid ….
Es raast s Sonderkommando und d Bolizey
Duur d Stadt – es herrscht e riise Gschrey
Si sperre d Gegend ab, herrje
Dr Wessels het e Bombe gsee
Nochere Stund maint e Expärt: «Ych grieg dr Koller
Herr Wessels, das isch doch nur ain vo Ihrne Poller !»
D Blocher-Dochter regiert jetzt au in Bäärn
Dr Babbe Christoph gseet das gäärn
Die Frau bikunnt jetzt aifach alles was si will
Und si will immer no mee, s ischere nonig z‘vyyl
Nur ebbis, jo ych ha kai Mieh
Miss Schweiz – das wird si sicher nie !
… Und will si sich mit de Gschiidschte duet mässe
Kasch si als Bachelorette au grad vergässe
Ych gang zem Arzt, s wird unbequeem
Herr Doggter, ych ha e Daarmbrobleem
Nit emoll e Ziibelewaihe
Bringt mi Buuch esoo zem blaihe
Ych haig, beruigt mi dr Doggter Seeler
Numme s VW-Syndrom mit-me Abgaasfeehler !
… Zum Gligg sind si kho, sait mer dä Maa
Suscht hätte si wohrschiinlig e Shitstorm gha
Mi hett dä Rochedurm fasziniert
Drum bin y uff dr heggschti Stogg spaziert
Kuum oobe ahkho han y s Gschyss
Mir isch schlächt und ych bi kriidewyss
Nai – nit d Heechi macht mer Ranzewee
Ych ha halt nur grad Ziiri gsee !
… Und grieg ych no Grindwee, dass es mi fascht duet verbääse
Denn han ych sicher s Ortsschild vo Weil grad glääse
Das Gschyss doo um dä Marco Streller
Wenn är nimm spiile will, hejo denn sell er
E super Vorbild und sunscht au e Nätte
Villicht wird si Sohn in d Fuessstapfe drätte
Sett, Marco, di Bueb mol Profi sii miesse;
Denn lehrn ihm bitte nit s Penaltyschiesse !
… Zaigsch ihm aber emoll di Zungeschlaag
Griegt är vom 3+ sofort e Bachelor-Verdraag
Ych lieb die tolle BLICK-Promi-Gschichte
Die dien so vyyl iiber d Bellers brichte
So attraggtiv, so erfolgryych, so wundervoll
So jungblyybe, so scheen, sone Sexsymbool
Y stuun immer wieder und frog mi allem ah;
Was isch das näbem Walter nur fir e komische Maa ?
… De Bellers iihri Diebe hänn weenigschtens Niveau !
Si hänn alles gnoo …ussert d Irina und ihr Buech … das hänn si lo stoo
Jä Sii, dä Herr Guy Parmelin
Isch fir dr Bundesroot bestimmt e Gwinn
Als Räbbuur het dä, s muess so sii
Jederzyt e guete Wyy drbyy
Villicht sett me ihn denn no beleehre:
Gang joo nie bim Ogi go Änglisch lehre !
… «Liebe Guy, Dir lehrn y zerscht
Was uff Änglisch heisst, dass FREUDE HERRSCHT»
Me het de Fraue gsait, noch dääne Gwalte
Wie me im Dytsche sich sott rächt verhalte
Falls di aine will sexuell bedränge
Wuurd e Abstand von-ere Armlängi länge
In dr Praxis kaa’s e Schwoob nit schlächt:
Dr Arm wird stiff – speziell dr Rächt !
Zerscht wird dr Blatter suspendiert
Und als Dangg denn pensioniert
Drum hoff ych fir dä alti Maa
Dass er sich scheen erhoole kaa
Abglääge im Griene, inre FIFAltersiidlig
e FIFAlts Buurehuus, das wäär doch nyydlig
An jedem Fänschter e FIFArbige Bluemekaschte
d Veegel wo pfiffe – wäg vo FIFAltlaschte
E FIFAchgrächte Wyykäller fir s Vergässe vom Desaschter
E FIFApothek – vollgschtopft mit Pflaschter
Dr fein Gschmagg vo FIFArn, Heu und Gülle
D Kuehglogge im Ohr, FIFAntastisch d Idülle
E Balkönli mitere Ussicht uff e FIFAmoose Sunneuntergang
Diräggt uff d’Bärge und de FIFAlpe entlang
Ych winsch ihm vorallem ganz vyyyyyl Rueh
… Und naaglet um himmelswille sini Huusdiire zue !
Jetzt hesch Du au emool d’Chance Gift z spritze… uff was wartisch? Ych frai mi uff Diini Noochricht!