Fasnacht 2018

Am Stammdisch han ych letschti e bitz z’vyyl tanggt
Und bi denn geege Moorge haime gschwanggt
Deert wartet mi Drache mit em Suppedopf
Und macht mer e Büüle - diräggt uff mi Kopf
Sithäär blufft im Kindergaarte miini Glai;
Das Einhorn gääb's wirgglig - si haig ains dehai! 

Dr Polo Hofer glopft an s‘Himmelsdoor
Do kunnt dr Petrus und liist ihm d‘Reegle voor:
Vo mir uss darfsch die ganz Zyt singe
All Stund uff dr Haarfe e Ständeli bringe
Numme ai Bitt, sunscht hänn mer dr Drägg
Inhalier mer do oobe kai Wulgge ewägg!

In Rotterdam hesch‘s wieder gsee
Dr Federer gwinnt aimoll mee
Drotz sym Alter und das macht ihn frooh
Kha fascht kaine me dr Roger schloo
Halt - doo wuurd‘s heggschtens aine gää:
Ihr kennet ihn alli: dr Constantin!

Doo isch e Klaagebrief yygange an d’Firma Apple
Und zwoor vom Donald Trump, däm Deppl:
On the toilet han ych bletzligg e Seppi grisse
And ussversehe my „iPhone X“ in the Himmel gschmisse
Uff dr Heechi vom Fuudi het sich das uff s‘Display g‘keert
Und will‘s gmaint het, es sig mi Gsicht, denn vo ellai entsperrt!

(Achtung, e Fremdsproocheväärs!)
Lieve Nederlands - niet de Köpfchje lo lampen
Wenn ihr niet kan bjie de WM op de Voetball drampen
Ook Speler wie Robben en Wesley Snejider
Zieht et diese Zommer in de Oldersheijm weijder
Aver alles easy, en roijk en Guuge, ihr müsst de Vordeijl seen:
Weijl ihr habt de ganze Campingplatz dann endlich voor euch alleen! 

Ych bi yyglaade woorde vo dr Basler Regierig
Fir en Apéro im Zolli - und aaschliessend ere Fiehrig
Denn hänns do verzellt vome sälte, komisch Lääbewääse
Und y has agluegt und gsait: also, dasch wirgglig ains vo de jääse
Si hänn mi denn aber beleehrt, ych gnaag hit no draa
Gmaint sig daas deert im Aquarium - und nit d Frau Ackermaa!

Neij entwigglet e Ländler unseri Stadt
Hurra, jetzt wird’s so richtig glatt:
„Uus em Theater git’s bald ä Buurähoof
Dr Barfi wird zer Wäid für Chiä und Schoof“
Die letschti Hoffnig duen ych trotzdäm bhalte:
Är kha d’Fassaade vo dr Ackermaa scheener gstalte! 

Im Grund gnoo dängg ych, jo s’wär glatt
Fänd das Schwingfescht in däm Prattele statt
Drey Dääg schwinge, Hooselupfe,
Glogge schwängge, Tabagg schnupfe
Und näb’ dr Muusig vom Sepp Trütsch
Schwätzt me denn z’Prattele wieder emoll Schwyzerdütsch!

(Achtung, im Trudi Gärschter-Dialäggt)
Jetzt verzell y euch e baar Gschichtli und due drüber parliere
Was für Holzchöpf eigentlich üsi Wält düen regiere
Do gits s Trumpelstilzli uss Amerika, das stoht uff jungi Chatze
Es dreit sogar e Perser, direkt uff siiner Glatze
In Moskau, dört duet s Aschenputin regiere
Da duet amigs halbnackt uff d Krim galoppiere
Und über de Gaissepeter uss de Türkei, y bi so frei
Verzell y nüt - dä het Spione bi dr Basler Polizei
Weg de Atombombe uss Nordkorea gohts uns erscht an Chrage
Wenns de gstiifleti Kim, da dick Büebli, duet verjaage
Und wenn das ganzi Lugipack au no hüt am regiere isch
Spielt me Tischlein-Deckdich und setzt die Knallfrösch alli an Disch
Söttet si denn immerno uff ihre Mischt behorre
Haut de Constantin jedem einzelne e baar uf d'Schnorre!

Ebb Afroschmutz oder Moorekopf
Coco-Jambo oder schwarze Schopf
Ebb exdreem pigmentierte Zuggerschuum
E Kalooriebombe uss em affrikanisch Ruum
Däm khasch saage wie d’willsch, de merggsch es glyy
Am Schluss wirdsch immer dr Neeger syy! 

Doo goohts zrugg zu de andere Väärs